नवी दिल्ली| आयपीएलच्या 13 व्या हंगामाची आजपासून सुरुवात होईल. आज रात्री 7.30 वाजता चेन्नई सुपर किंग्ज विरुद्ध मुंबई इंडियन्स यांच्यात सामना होणार आहे. प्रत्येकाला त्याच्या आवडत्या संघाला चॅम्पियन होतांना पाहायचं आहे. अशातच ऑस्ट्रेलियाचा वेगवान गोलंदाज ब्रेट ली याने एका संघांचे नाव सांगितले आहे. जो या हंगामात आयपीएलचा खिताब मिळवू शकतो. तो स्टार स्पोर्ट्सच्या गेम प्लॅन या कार्यक्रमात बोलत होता.
तो म्हणाला, “तीन वेळा आयपीएलचा खिताब जिंकणारा चेन्नई संघ या हंगामातही विजेतेपदाचा दावेदार आहे. सीएसके संघातील फिरकी विभागातील विविधतेमुळे युएईच्या परिस्थितीत संघाला फायदा होईल. सीएसके खूप मजबूत संघ आहे. संघात असलेल्या फिरकीपटूंमुळे मी या संघाची चॅम्पियन होण्याची भविष्यवाणी केली आहे. संघात फिरकीपटू मिशेल सॅन्टनर आहे त्यामुळे फिरकीपटू जडेजाला आपल्या कामगिरीत सुधारणा करावी लागेल जेणेकरून तो संघाचा अव्वल फिरकीपटू राहील. संघात प्रत्येक फिरकी गोलंदाज इतर फिरकी गोलंदाजापेक्षा वेगळा आहे. अशा परिस्थितीत, मला असे वाटते की स्पर्धा जसजशी समोर जाईल याचा फायदा चेन्नई संघाला होईल.”
चार वेळा चॅम्पियन असलेल्या मुंबई इंडियन्स संघाचा वेगवान गोलंदाज लसिथ मलिंगाने वैयक्तिक कारणास्तव या स्पर्धेतून माघार घेतली आहे.
मलिंगाच्या अनुपस्थितीबद्दल बोलतांना ब्रेट ली म्हणाला, “वेगवान गोलंदाज जसप्रीत बुमराह मलिंगाची कमतरता पूर्ण करेल. जेव्हापासून मी बुमराहला पाहिले तेव्हापासून मी त्याचा चाहता आहे. तो वेगळ्या शैलीने गोलंदाजी करतो. तो दोन्ही बाजुला चेंडू फिरविण्यात पटाईत आहे. नवीन चेंडूने तो चांगली कामगिरी करतो. जुन्या चेंडूने गोलंदाजी करतांना मला तो अधिक आवडतो. मलिंगा प्रमाणेच तो शेवटच्या षटकात गोलंदाजी करू शकतो.”
मुंबई इंडियन्सबद्दल बोलतांना तो म्हणाला, “मुंबई इंडियन्सचा संघ गुणतालिकेत पहिल्या चार संघांमध्ये राहील. ते मागील हंगामाचे चॅम्पियन आहेत. त्यांचा संघ चांगला आहे. टी20 चा स्टार फलंदाज कायरान पोलार्ड चांगला खेळत आहे आणि रोहित काय करू शकतो हे आपल्याला माहितच आहे. संघात वेगवान गोलंदाज बुमराह आणि काही अनुभवी फिरकीपटूदेखील आहेत.”
महत्त्वाच्या बातम्या –
सीएसकेसाठी आनंदाची बातमी! पहिल्या सामन्याआधी क्वारंटाईनमधून बाहेर आले हे ३ दिग्गज खेळाडू
आयपीएल स्पर्धा सुरू होण्यापूर्वी रोहित शर्माला आली लसिथ मलिंगाची आठवण म्हणाला…
या कारणामुळे चाहते धोनीवर चिडले; सोशल मीडियावर घेतला समाचार
ट्रेंडिंग लेख –
‘या’ ६ खेळाडूंच्या प्रदर्शनावर अवलंबून असेल आजच्या आयपीएल सामन्याचा निकाल
‘उजव्या हाताचा रिषभ पंत’ अशी ओळख असलेला मोहरा आयपीएल गाजवणार
हे ३ खेळाडू, जे रॉयल चॅलेंजर्स बेंगलोर संघाला पहिल्यांदा बनवू शकतात पहिल्यांदा आयपीएल चॅम्पियन
