आयपीएल 2020 चा हंगाम आत्तापर्यंत अनेक अर्थांनी रोमांचकारी झाला आहे. आत्तापर्यंत अनेक विक्रम पहिल्यांदाच आयपीएलमध्ये घडले, मग ते 5 सुपर ओव्हर असो, एकाच सामन्यात 2 सुपर ओव्हर असो किंवा एकाच खेळाडूंने सलग 2 सामन्यात शतके करणं असो. तसेही हा आयपीएल हंगाम वेगळाच आहे. पहिल्यांदाच आयपीएल प्रेक्षकांविना खेळवले जात आहे. त्यातही यंदा अशी एक गोष्ट घडली आहे जी आजपर्यंत आयपीएलच्या इतिहासात कधीच घडली नव्हती.
आत्तापर्यंत या आयपीएल हंगामात 48 सामने झाले आहेत. तसेच या 48 सामन्यांनंतर 16 गुणांसह मुंबई इंडियन्स संघ गुणतालिकेत अव्वल क्रमांकावर आहे. तर 14 गुणांसह रॉयल चॅलेंजर्स बेंगलोर आणि दिल्ली कॅपिटल्स अनुक्रमे दुसऱ्या आणि तिसऱ्या क्रमांकावर आहे. पण अजून कोणताही संघ प्ले ऑफसाठी पात्र ठरलेला नाही.
त्यामुळे 12 वर्षांत जवळपास 800 सामने आयपीएलमध्ये खेळवण्यात आल्यानंतर पहिल्यांदाच असे झाले आहे की हंगामातील 48 सामने पूर्ण झाल्यानंतरही एकही संघ प्लेऑफसाठी पात्र ठरलेला नाही.
विशेष म्हणजे 50 सामने झाल्यानंतरच प्लेऑफचे चित्र जवळपास स्पष्ट होणार आहे. नेहमी 50 सामने होत आले की प्लेऑफमध्ये 1 किंवा 2 संघांनी प्रवेश निश्चित केलेला असतो. मात्र यंदा एकही संघ प्लेऑफमध्ये गेलेला नाही. त्यामुळे एक गोष्ट तर निश्चित झाले आहे की यंदाची स्पर्धा सर्वात स्पर्धात्मक झाली आहे.
7 संघ करत आहेत प्लेऑफमध्ये स्थान मिळवण्यासाठी स्पर्धा
सध्या 7 संघ प्लेऑफमध्ये स्थान मिळवण्याच्या शर्यतीत आहे. फक्त चेन्नई सुपर किंग्स हा संघ या स्पर्धेतून बाहेर गेला आहे. तसेच मुंबई हा संघ सध्या अव्वल स्थानावर असून त्यांचा नेट रनरेटही सर्वांपेक्षा चांगला आहे. त्यामुळे सध्यातरी त्यांचा प्लेऑफमधील त्यांचा प्रवेश जवळपास निश्चित आहे. कोलकाता किंवा पंजाब यांच्यातील एक संघ एकजरी सामना पराभूत झाला तरी मुंबई प्लेऑफमधील प्रवेश निश्चित करेल.
महत्त्वाच्या बातम्या-
दुर्दैव! युवांनाही सट्टेबाजीचे वेड; वाराणसीतून ४ विद्यार्थ्यांसह ११ जणांना अटक
तब्बल १२ शतके ठोकणार्‍या २५ वर्षीय क्रिकेटरने मध्येच सोडली क्रिकेट स्पर्धा, ‘हे’ आहे कारण
भारतीय संघात पहिल्यांदाच निवड झालेल्या मिस्ट्री स्पिनरने केले आहे ‘या’ चित्रपटात काम
ट्रेंडिंग लेख-
SRH विरुद्ध केलेल्या ‘या’ तीन चुकांमुळे DC चं ‘प्ले ऑफ’ तिकीट लांबणीवर
Top-5 Fielding: निकोलस पूरनच्या फिल्डींगला जाँटी ऱ्होड्सचा सलाम; सचिननेही केली आर्चरवर कमेंट
हैदराबादचे ‘हे’ पाच धुरंदर अख्ख्या दिल्लीवर पडले भारी; मिळवला दणदणीत विजय