भारतीय संघाने नुकतीच इंग्लंडविरुद्धची तीन सामन्यांची एकदिवसीय मालिका 3-0 ने जिंकली. या मालिकेत भारतीय संघासाठी मधल्या फळीतील फलंदाज श्रेयस अय्यरने शानदार कामगिरी केली होती. श्रेयसने तीन डावांमध्ये 60.33 च्या प्रभावी सरासरीने 181 धावा केल्या, ज्यामध्ये दोन अर्धशतकांचा समावेश होता. एकदिवसीय क्रिकेटमधील उत्कृष्ट कामगिरीमुळे श्रेयस अय्यरला भारताच्या चॅम्पियन्स ट्रॉफी संघातही स्थान मिळाले.
मात्र, चॅम्पियन्स ट्रॉफी संघात श्रेयस अय्यरच्या निवडीवर टीम इंडियाचे मुख्य प्रशिक्षक गौतम गंभीर आणि मुख्य निवडकर्ता अजित आगरकर यांचे एकमत नव्हते. चॅम्पियन्स ट्रॉफीसाठी संघ निवड बैठकीत गौतम गंभीर आणि अजित आगरकर यांच्यात यावर जोरदार वाद झाला.
दोघांमध्ये विकेटकीपिंग स्लॉटवरूनही वाद झाला. अजित आगरकरला पहिल्या पसंतीचा यष्टीरक्षक म्हणून ऋषभ पंतला प्राधान्य द्यायचे होते. त्याचवेळी, गंभीरने आधीच स्पष्ट केले होते की केएल राहुल हा भारताचा पहिला पसंतीचा यष्टीरक्षक असेल, संघ व्यवस्थापन त्यावर कायम राहील. म्हणूनच केएल राहुलने इंग्लंडविरुद्धच्या एकदिवसीय मालिकेतील तिन्ही सामने खेळले, तर ऋषभ पंत बेंचवरच राहिला.
‘चॅम्पियन्स ट्रॉफी संघाची घोषणा करताना, मुख्य निवडकर्ता अजित आगरकर यांनी दावा केला होता की विकेटकीपर म्हणून ऋषभ पंत ही पहिली पसंती आहे, परंतु पंत हा संघातील एकमेव खेळाडू होता ज्याला इंग्लंडविरुद्धच्या एकदिवसीय मालिकेत कोणत्याही सामन्यात खेळण्याची संधी मिळाली नाही. निवड बैठकीत श्रेयस अय्यरला संघात कायम ठेवण्याबाबत आणि दुसऱ्या यष्टीरक्षकाच्या स्थानावर जोरदार चर्चा झाल्याचे सूत्रांनी सांगितले.
इंग्लंडविरुद्धच्या पहिल्या एकदिवसीय सामन्यातून श्रेयस अय्यरला बाहेर ठेवण्याचा निर्णय घेण्यात आला होता, परंतु शेवटच्या क्षणी विराट कोहली अनफिट असल्याने त्याला प्लेइंग इलेव्हनमध्ये समाविष्ट करण्यात आले. चॅम्पियन्स ट्रॉफीसाठी दुबईला रवाना होण्यापूर्वी गौतम गंभीरने सांगितले होते की, श्रेयसला संपूर्ण मालिकेसाठी बाहेर ठेवण्याची कोणतीही योजना नाही. गंभीर म्हणाला होता की तो यशस्वी जयस्वालला एकदिवसीय सामन्यात संधी देऊ इच्छितो आणि म्हणूनच त्याने पदार्पण केले.
जानेवारीमध्ये चॅम्पियन्स ट्रॉफीसाठी तात्पुरत्या संघाची घोषणा करताना अजित आगरकर म्हणाले होते की, यष्टिरक्षक म्हणून ऋषभ पंत ही पहिली पसंती असेल. मात्र, गौतम गंभीरचे मत वेगळे होते. गंभीरने संकेत दिले आहेत की चॅम्पियन्स ट्रॉफीमध्ये केएल राहुल विकेटकीपिंग करेल, तर पंतला संधीची वाट पहावी लागेल.
चॅम्पियन्स ट्रॉफीसाठी भारतीय संघ – रोहित शर्मा (कर्णधार), शुभमन गिल (उपकर्णधार), विराट कोहली, श्रेयस अय्यर, केएल राहुल (यष्टीरक्षक), ऋषभ पंत (यष्टीरक्षक), हार्दिक पांड्या, रवींद्र जडेजा, अक्षर पटेल, कुलदीप यादव, वरुण चक्रवर्ती, हर्षित राणा, मोहम्मद शमी, अर्शदीप सिंग, वॉशिंग्टन सुंदर.
हेही वाचा –
अश्विनचा थेट इशारा! संघ निवडीत झाली चूक, भारतीय संघाला होऊ शकतो फटका
वुमन्स प्रीमियर लीग मध्ये चाहत्यांना पडणार ध्वनिची भुरळ!
“वनडे वर्ल्ड कप सेमीफायनलमध्ये पोहोचले होते हे संघ, चॅम्पियन्स ट्रॉफीत काय करणार कमाल?”
