गंगा नदीच्या काठावर असलेल्या कानपूरच्या ग्रीन पार्क स्टेडियममध्ये कसोटी सामन्याचा पहिला दिवस नेहमीच महत्त्वाचा असतो. भारत आणि न्यूझीलंड यांच्यात खेळल्या जात असलेल्या मालिकेतील पहिल्या सामन्यातही तेच पाहायला मिळाले. ग्रीनपार्कची खेळपट्टी आपल्या झटपट ब्रेक डाउनसाठी प्रसिद्ध आहे आणि नंतर फिरकी गोलंदाजीचे आश्रयस्थान बनते. अगदी याप्रमाणेच भारत विरुद्ध न्यूझीलंड सामन्याच्या पहिल्या दिवसाच्या दोन सत्रानंतर ही खेळपट्टी संथ झाली आणि चेंडू फिरू लागला.
पहिल्या दिवशीच्या शेवटच्या सत्रात न्यूझीलंडच्या फिरकीपटूंनी भारतीय फलंदाजांना अडचणीत आणले असतानाच, पहिल्याच खेळपट्टीवर विरोधी फलंदाजांना वळण लावण्यासाठी प्रसिद्ध असलेल्या भारतीय फिरकी त्रिकुटाचे चेहरे फुलले होते.
भारतीय कर्णधार अजिंक्य रहाणेने नाणेफेक जिंकून फलंदाजीचा निर्णय घेतला होता. त्याचबरोबर केवळ दोन वेगवान गोलंदाजांसह मैदानात उतरलेल्या किवी संघाला लवकरच पहिली विकेट मिळवण्यात यश आले. मात्र, यानंतर शुभमन गिल आणि चेतेश्वर पुजाराने डावाची धुरा सांभाळत दुसऱ्या विकेटसाठी ६१ धावांची भागीदारी केली.
दुसऱ्या सत्रात न्यूझीलंडच्या वेगवान गोलंदाजांनी धुमाकूळ घातला
लंच ब्रेकनंतर तर न्यूझीलंडच्या गोलंदाजांनी धुमाकूळच घातला. दुसऱ्या सत्राच्या सुरुवातीला किवी वेगवान गोलंदाज काइल जेमिसनने शुभमन गिलला माघारी पाठवले. त्याने संघाच्या खात्यात ५२ धावांची भर घातली. यानंतर पुजारा आणि कर्णधार रहाणेही लवकरच माघारी परतले. विशेष म्हणजे पहिल्या टी ब्रेकपर्यंत पडलेल्या चारही विकेट वेगवान गोलंदाजांच्या खात्यात गेल्या. यादरम्यान विकेटवर चांगली उसळी पाहायला मिळाली.
जसजशी संध्याकाळ होत गेली तसतशी विकेट नेहमीप्रमाणे मंदावली
पुढे न्यूझीलंडचे गोलंदाज जेव्हा टी ब्रेकनंतर गोलंदाजी करायला आले तेव्हा त्यांनी आपल्या फिरकीपटूंना आक्रमणावर ठेवले. यादरम्यान पहिल्या दिवसापासून शेवटपर्यंत संथ झालेली विकेट आपल्या पारंपरिक शैलीत दिसली. फिरकी गोलंदाजांना विकेटवरून टर्न मिळाले आणि त्यांनी भारतीय फलंदाजांनाही थोडा त्रास दिला. पण ते विकेट घेण्यात यशस्वी ठरले नाहीत. पण त्यामुळे न्यूझीलंडच्या फलंदाजांचे ठोके नक्कीच वाढले होते.
आता फिरकीपटूंची पाळी आहे
आता उरलेले चार दिवस ग्रीन पार्कमध्ये फिरकीपटूंचा बोलबाला दिसणार असे वाटत होते, ज्याची सुरुवात गुरुवारी संध्याकाळीच झाली होती. परंतु दुसऱ्या दिवसाखेर भारताच्या एकाही गोलंदाजाला न्यूझीलंडची एकही विकेट घेता आली नाही. दुसऱ्या दिवसाखेर न्यूझीलंडच्या गोलंदाजांनी १२९ धावांची अभेद्य भागिदारी केली.
तरीही पुढील ३ दिवस फिरकी गोलंदाज फलंदाजांची कडवी परीक्षा घेतील. कारण पहिल्या दिवसापासून विकेट तुटण्यास सुरुवात झाली होती आणि खेळपट्टी चेंडूच्या स्पर्शाने माती सोडू लागली आहे. अशा स्थितीत पुढे सामना फिरकी गोलंदाजांच्या बाजूने जाऊ शकतो. हा सामना किती दिवस चालणार, हा निर्णयही न्यूझीलंडच्या कॅम्पचा पहिला डाव संपताच होणार आहे.
महत्त्वाच्या बातम्या-
भारत वि न्यूझीलंड, कानपूर कसोटी: दुसरा दिवस पाहुण्यांच्या नावे; सलामीवीरांची अभेद्य भागीदारी
कानपूर कसोटीत आता भारताचा विजय निश्चित? गेल्या ८ वर्षांपासूनचा ‘हा’ विक्रम देतोय विजयाची ग्वाही
