कुलदीप- चहल जोडी तोडल्याने निवडकर्त्यांवर भडकला हरभजन; म्हणाला, ‘कुलचा जोडीला विश्वचषकात घ्यावेच लागेल’

भारतीय संघाचा माजी दिग्गज फिरकी गोलंदाज हरभजन सिंग (Harbhajan Singh) याने ‘कुलचा’ म्हणजेच कुलदीप यादव (Kuldeep Yadav) आणि युजवेंद्र चहल (Yuzvendra Chahal) जोडीच्या पुनरागमनाला समर्थन दिले आहे. कुलदीप आणि चहल या दोघांनी आयपीएलच्या चालू हंगामात आतापर्यंत सर्वाधिक विकेट्स घेतल्या आहेत. याच कारणास्तव हरभजन सिंगला वाटते की, या फिरकीपटूंच्या जोडीला आगामी टी-२० विश्वचषकात संधी मिळाली पाहिजे. आयसीसी टी-२० विश्वचषक २०२२ ऑस्ट्रेलियामध्ये ऑक्टोबर आणि नोव्हेंबर महिन्यात आयोजित केला जाणार आहे.

महा स्पोर्ट्सचा व्हॉट्सअप ग्रुप जॉइन करण्यासाठी इथे क्लिक करा

हरभजन म्हणाला की, “मला नाही माहिती की, त्यांनी (निवडकर्ते) ही जोडी का फोडली, जे भारतीय संघासाठी चांगले प्रदर्शन करत होते. मला निश्चितपणे वाटते की, तुम्हाला ‘कुलचा’ जोडीला पुन्हा आणावे लागेल. मला वाटते की, ते भारतीय संघासाठी अप्रतिम गोलंदाज राहिले आहेत. जेव्हा ते एकत्र खेळले आहेत, त्यांनी मधल्या षटकांमध्ये विकेट्स घेतल्या आहेत. मग ते टी-२० असो, एकदिवसीय असो किंवा कोणताही प्रकार असो, ते एकत्र खेळले आणि खूप यशस्वी ठरले.”