इंडियन प्रीमियर लीग म्हणजेच आयपीएलचा १५वा हंगाम सध्या खेळला जात आहे. आयपीएल २०२२मधील जवळपास अर्धे सामने खेळले गेले आहे आणि अनेक युवा खेळाडूंनी स्वतःची गुणवत्ता सिद्ध केली आहे. चालू हंगामात आतापर्यंत खेळल्या गेलेल्या सामन्यांवर नजर टाकली, तर आगामी टी-२० विश्वचषकसाठी निवडला जाणारा भारतीय संघ नजरेसमोर उभार राहू शकतो.
यावर्षी ऑक्टोबर आणि नोव्हेंबर महिन्यात टी-२० विश्वचषक खेळला जाणार आहे. जाणकारांच्या मते आयपीएल २०२२मध्ये उत्कृष्ट प्रदर्शन करणाऱ्या युवा खेळाडूंपैकी काहीजण भारताच्या टी-२० संघात स्थान बनवू शकतात. याच कारणास्तव युवा खेळाडू आयपीएल २०२२मध्ये चांगले प्रदर्शन करताना दिसत आहे. आज आपण या लेखातून अशा तीन भारतीय युवा वेगवान गोलंदाजांची माहिती घेणार आहोत, जे आगामी टी-२० विश्वचषकात (ICC T20 World Cup 2022) भारतीय संघाचे प्रतिनिधित्व करताना दिसू शकतात.
आयपीएल २०२२मध्ये भारतीय संघाला मिळाले हे ३ युवा वेगवान गोलंदाज
आवेश खान (Avesh Khan)
आयपीएलचा नवीन संघ लखनऊ सुपर जायंट्सकडून खेळणारा वेगवान गोलंदाज आवेश खान या यादीत पहिल्या क्रमांकावर आहे. आयपीएल २०२१मधील उत्कृष्ट प्रदर्शनानंतर मेगा लिलावात लखनऊने १० कोटी रुपयांमध्ये आवेश खानला खरेदी केले. मागच्या हंगामात त्याने १६ सामन्यांमध्ये २४ विकेट्स घेतल्या होत्या आणि दिल्ली कॅपिटल्ससाठी सर्वाधिक विकेट्स घेणारा गोलंदाज देखील बनला होता. आयपीएल २०२२ मधील त्याचे प्रदर्शन देखील असेच आहे.
चालू हंगामातील त्याच्या प्रदर्शनाचा विचार केला, तर आतापर्यंत ८.२९च्या इकॉनॉमी रेटने आणि २०.०९च्या इकॉनॉमीने ११ विकेट्स घेतल्या आहे. सध्या तो पर्पल कॅपच्या स्पर्धेत चौथ्या क्रमांकावर आहे. त्याच्या या दमदार प्रदर्शनानंतर आगामी टी-२० विश्वचषकात त्याला संधी मिळणे जवळपास निश्चित झाले आहे.