आयपीएलच्या १३ व्या हंगामातील ४ था सामना आज (२२ सप्टेंबर) यूएईतील शारजाह येथे चेन्नई सुपर किंग्ज आणि राजस्थान रॉयल्स संघात झाला. चेन्नईचा या स्पर्धेतील हा दुसरा सामना होता, तर राजस्थान संघ या स्पर्धेतील आपला पहिलाच सामना खेळत होता.
राजस्थान संघाने आपल्या ताफ्यात युवा प्रतिभावान खेळाडूला संधी दिली. तो खेळाडू इतर कोणी नसून देशांतर्गत क्रिकेटमधील उत्कृष्ट खेळाडू यशस्वी जयस्वाल होता. जयस्वाल आयपीएलमधील आपला पहिलाच सामना खेळत होता.
नाणेफेक जिंकून चेन्नईचा कर्णधार एमएस धोनीने क्षेत्ररक्षणाचा निर्णय घेत राजस्थानला फलंदाजीसाठी आमंत्रित केले होते. प्रथम फलंदाजी करताना राजस्थानने सलामीला युवा खेळाडू जयस्वाल आणि कर्णधार स्टिव्ह स्मिथला पाठवले. दरम्यान जयस्वालने एक चौकार मारत केवळ ६ धावा केल्या आणि दीपक चाहरच्या दुसऱ्या षटकाच्या दुसऱ्या चेंडूवर झेलबाद झाला. तो बाद झाला तेव्हा संघाची धावसंख्या १ बाद ११ अशी होती.
जयस्वालने १९ वर्षांखालील विश्वचषकात ६ सामन्यांमध्ये सर्वाधिक ४०० धावा केल्या होत्या. या धावा करताना त्याने १ शतक आणि ४ अर्धशतकेही ठोकली. सोबतच गोलंदाजी करताना ३ विकेट्सही घेतल्या. या खेळीमुळे त्याला मालिकावीर म्हणून गौरविण्यात आले होते. त्याची ही कामगिरी पाहून राजस्थान रॉयल्स संघाने आयपीएलमध्ये तब्बल २.४० कोटी रुपयांमध्ये त्याला आपल्या संघात सामील केले.
जयस्वालने आतापर्यंत १ प्रथम श्रेणी आणि १३ अ दर्जाचे सामने खेळले आहेत. त्यात त्याने प्रथम श्रेणी क्रिकेटमध्ये २० धावा, तर अ दर्जाच्या क्रिकेटमध्ये ७७९ धावा केल्या आहेत. या धावा करताना त्याने ३ अर्धशतके आणि ३ शतके ठोकली आहेत.
आयपीएल 2020 साठी फ्रँचायझीने 19 वर्षीय फलंदाज यशस्वी जयस्वालला 2 कोटी 40 लाख रुपयांमध्ये संघात सामील केले आहे. 19 वर्षांखालील विश्वचषकात यशस्वीने मैदानावर गदारोळ निर्माण केला. उत्तर प्रदेशात 28 डिसेंबर 2001 रोजी त्याचा जन्म झाला. सलामीचा फलंदाज म्हणून तो घरघुती क्रिकेटमध्ये मुंबईचे प्रतिनिधित्व करतो. अ दर्जाच्या क्रिकेटमध्ये दुहेरी शतक ठोकणारा तो जगातील सर्वात तरुण क्रिकेटपटू आहे.
2015 मध्येच त्याच्या नावाची होऊ लागली चर्चा
यशस्वीने 2015 मध्ये नाबाद 319 धावांची खेळीसोबतच 99 धावांत 13 बळी घेऊन इतिहास रचला होता. शालेय क्रिकेटमधील हा त्याचा अष्टपैलू विक्रम होता. लिमका बुक ऑफ रेकॉर्डमध्ये याची नोंद केली गेली आहे.
एकेकाळी मुंबईत क्रिकेटसाठी पाणीपुरी विकणाऱ्या या खेळाडूने नंतर मागे वळून पाहिले नाही. यावर्षी 19 वर्षाखालील विश्वचषकात संपूर्ण जगाला भारताच्या या उदयोन्मुख खेळाडूची ओळख पटली.
विश्वचषकात अशी होती कामगिरी
यंदाच्या विश्वचषकात यशस्वीने श्रीलंकेविरूद्ध 59, जपानविरुद्ध नाबाद 29, न्यूझीलंडविरूद्ध नाबाद 57, ऑस्ट्रेलियाविरूद्ध 62, पाकिस्तानविरुद्ध 105 आणि बांगलादेशविरूद्ध 88 धावा केल्या.अंतिम सामन्यात भारतीय संघाचा 3 गड्यांनी पराभव झाला.
यशस्वीने 2019 मध्ये एकमेव प्रथम श्रेणी सामना खेळला होता, तेथे त्याने एकूण 20 धावा केल्या. त्याचबरोबर त्याने अ दर्जाच्या क्रिकेटमध्ये 13 सामन्यात 779 धावा केल्या ज्यामध्ये त्याचा सर्वोत्तम डाव 203 धावांचा होता.
सचिनने दिली होती बॅट भेट
यशस्वी सचिन तेंडुलकर, विराट कोहली आणि वासिम जाफर यांना आदर्श मानतो. तसेच त्याने इंडियन ऑइलसाठी जाफरबरोबरही क्रिकेटही खेळले आहे. जाफरने दिलेल्या सल्ल्याचाही खेळताना उपयोग झाल्याचेही यशस्वीने सांगितले आहे.
तसेच यशस्वी मागीलवर्षी श्रीलंका विरुद्धच्या मालिकेआधी मास्टर ब्लास्टर सचिन तेंडुलकरलाही भेटला आहे. त्यावेळी सचिनने यशस्वीला सामन्याचा आनंद घे, पूर्णपणे खेळाकडे लक्ष, असा सल्ला देखील दिला होता. तसेच सचिनने त्याची बॅट यशस्वीला भेट म्हणूनही दिली होती.
वाचा- आयपीएलमध्ये २ कोटींपेक्षा अधिक रक्कम मिळालेला खेळाडू विकायचा पाणीपुरी
महत्त्वाच्या बातम्या-
-हैद्राबाद संघावर आली डोकं धरायची वेळ, ‘हा’ अष्टपैलू खेळाडू पडू शकतो पूर्ण हंगामातून बाहेर
-शून्यावर बाद होऊनही आयपीएलमध्ये फलंदाजाचे पहिल्यांदाच होतेय जोरदार कौतूक
-२-३ वर्षांचा गॅप राहूनही ठोकले अर्धशतक, आता स्वत:च्याच खेळीबद्दल वाटतंय आश्चर्य!
ट्रेंडिंग लेख-
-आजच्या सामन्यात ‘हे’ ५ खेळाडू गाजवणार मैदान, ठरू शकतात गेम चेंजर
