यावर्षी आयपीएलचा १३ वा हंगाम संयुक्त अरब अमिराती (यूएई) येथे खेळला जाणार आहे. अनेक दिग्गज खेळाडू या हंगामात खेळताना दिसणार नाहीत. मुंबई इंडियन्स संघाचा खेळाडू लसिथ मलिंगाने वैयक्तिक कारणांमुळे आयपीएल खेळण्यास नकार दिला. चेन्नई सुपर किंग्ज संघातील हरभजन सिंग आणि सुरेश रैना या दोन्ही खेळाडूंनी या हंगामातून माघार घेतली आहे. इंग्लंडचा अष्टपैलू खेळाडू आणि सध्या राजस्थान रॉयल्स संघात असलेला बेन स्टोक्स आयपीएल खेळणार की नाही हे अद्याप स्पष्ट झालेलं नाही. माजी क्रिकेटपटू आणि राजस्थान रॉयल्स संघाचे प्रशिक्षक अँड्र्यू मॅकडोनाल्ड ईएसपीएन क्रिकइन्फोशी याबद्दल बोलत होते.
ते म्हणाले, “त्याच्या वडिलांना मेंदूचा कर्करोग झाल्याचे निदान झाले होते. ऑगस्टमध्ये पाकिस्तानविरुद्धच्या मालिकेच्या दुसर्‍या कसोटी सामन्यापूर्वी त्याने संघातून माघार घेतली होती. प्रथम आणि महत्त्वाचे म्हणजे आम्ही स्टोक्सच्या कुटुंबासोबत आहोत. ही एक कठीण परिस्थिती आहे, म्हणून आम्ही त्याला आवश्यक तेवढा वेळ देत आहोत. सध्या स्टोक्सची काय स्थिती आहे हे आम्हाला ठाऊक नाही, पण सर्व गोष्टी स्पष्ट झाल्यावर आम्ही निर्णय घेऊ शकतो.”
ऑस्ट्रेलिया आणि इंग्लंड वनडे मालिकेच्या पहिल्या दोन सामन्यांमध्ये दिग्गज फलंदाज स्टीव्ह स्मिथ खेळला नव्हता. इंग्लंडविरुद्धच्या वनडे मालिकेपूर्वी त्याच्या डोक्याला दुखापत झाली होती.
स्मिथबद्दल बोलतांना अँड्र्यू मॅकडोनाल्ड म्हणाले, “मला वाटते की त्याची विचारसरणी स्पष्ट आहे. त्याला थोडा वेळ हवा आहे. दुखापत झाल्यानंतर पहिल्या आणि दुसर्‍या वनडे दरम्यान फारच कमी वेळ होता. आशा आहे की तो बुधवारी (तिसरा वनडे) मैदानावर दिसू शकेल.”
गेल्या वर्षी संघाचे मुख्य प्रशिक्षक म्हणून नियुक्त झालेल्या मॅकडोनाल्ड यांना आयपीएलमध्ये युवा खेळाडूंकडून चांगल्या प्रदर्शनाची अपेक्षा आहे. ते म्हणाले, “आमच्याकडे उत्तम डावखुरे फलंदाज आहेत. विशेषत: अनुज रावत आणि यशस्वी जयस्वाल यांसारखे स्थानिक खेळाडू म्हणून आम्हाला काही चांगले पर्याय मिळाले आहेत. सोबतच डेव्हिड मिलरकडे चांगले कौशल्य आहे.”
महत्त्वाच्या बातम्या-
-मुंबईच्या भारतीय तिकडीतील ‘या’ खेळाडूला मिळाली दुखापतीतून प्रेरणा, म्हणतोय आता काही….
-मलिंगाच्या जागी सहभागी झालेला बुमराहचा संघसहकारी म्हणतोय, बुमराह म्हणजे…
-टी२० विश्वचषक तर आम्ही जिंकणारच, आयपीएलमध्ये खेळणाऱ्या क्रिकेटरने व्यक्त केला आत्मविश्वास
ट्रेंडिंग लेख-
-काय सांगता! एकाच सामन्यात टाकल्या गेल्या होत्या चक्क ७ चेंडूंच्या ३ ओव्हर
-भल्याभल्या गोलंदाजांना रडवणारा द्रविड ‘त्याची’ खेळी पाहून आला होता रडकुंडीला
-जेव्हा मुंबई इंडियन्सच्या ड्वेन ब्रावोसाठी अंबानींनी जमैकाला पाठवले थेट प्रायव्हेट जेट