भारत विरुद्ध दक्षिण आफ्रिका यांच्यातील 4 सामन्यांच्या टी20 मालिकेतील दुसरा सामना आज (10 नोव्हेंबर) संध्याकाळी 7.30 वाजता गकेबेहारा येथील सेंट जॉर्ज स्टेडियमवर खेळवला जाईल. डर्बनमध्ये खेळवण्यात आलेला पहिला टी20 सामना जिंकून टीम इंडियाने मालिकेत 1-0 अशी आघाडी घेतली आहे. सूर्यकुमार यादवच्या नेतृत्वाखालील भारतीय संघाने आपली कामगिरी कायम ठेवल्यास दक्षिण आफ्रिकेविरुद्धचा दुसरा टी20 सामनाही जिंकू शकतो.
भारताचा स्फोटक यष्टीरक्षक फलंदाज संजू सॅमसनने दक्षिण आफ्रिकेविरुद्ध डर्बन येथे खेळल्या गेलेल्या पहिल्या टी20 सामन्यात 50 चेंडूत 107 धावांची शानदार खेळी केली. सलग दोन टी20 आंतरराष्ट्रीय सामन्यांमध्ये शतके ठोकणारा संजू सॅमसन हा पहिला भारतीय फलंदाज ठरला. गेकेबेहारा येथील सेंट जॉर्ज स्टेडियमवर होणाऱ्या दुसऱ्या टी20 सामन्यातही संजू सॅमसन दक्षिण आफ्रिकेच्या संघासाठी महत्त्वाचा ठरू शकतो. मात्र, भारताच्या इतर फलंदाजांनाही संजू सॅमसनची साथ द्यावी लागणार आहे.
सलामीवीर अभिषेक शर्माला अनेक संधी मिळूनही त्यांचा फायदा उठवता आला नाही. ही संघव्यवस्थापनासाठी मोठी चिंतेची बाब आहे. या वर्षाच्या सुरुवातीला झिम्बाब्वेविरुद्ध शतक झळकावल्यानंतर तो धावा काढण्यासाठी झगडत आहे. भारताच्या प्लेइंग इलेव्हनमध्ये बदल होण्याची शक्यता नाही. पण अभिषेकच्या कामगिरीत सातत्य नसल्याचं पाहून संघ व्यवस्थापन या क्रमांकावर दुसऱ्या फलंदाजाचा विचार करु शकतो. विशेषत: रोहित शर्माच्या टी20 आंतरराष्ट्रीय क्रिकेटमधून निवृत्तीनंतर टीम इंडिया या फॉरमॅटमध्ये सलामीच्या फलंदाजासाठी इतर पर्याय शोधत आहे.
तिलक वर्माने 18 चेंडूत 33 धावांची झंझावाती खेळी खेळली. पण त्याला अशा सुरुवातीचे मोठ्या धावसंख्येमध्ये रूपांतर करण्याची गरज आहे. भारतीय मधल्या फळीत स्थान मिळविण्यासाठी खडतर स्पर्धा आहे आणि जर तिलक वर्माला आपले स्थान निश्चित करायचे असेल तर त्यांना सातत्यपूर्ण कामगिरी करावी लागेल. भारतीय कर्णधार सूर्यकुमार यादवलाही पहिल्या सामन्यात चांगल्या सुरुवातीचा फायदा उठवता आला नाही. तर अष्टपैलू हार्दिक पांड्याही अपेक्षेप्रमाणे खेळू शकला नाही.
भारताची मधली फळी कागदावर भक्कम दिसत असली तरी पहिल्या टी20 सामन्यात ते भागीदारी राखण्यासाठी संघर्ष करताना दिसले. भारताने केवळ 36 धावांत 6 विकेट गमावल्या. त्यामुळे एकेकाळी मजबूत स्थितीत असतानाही 8 विकेट्सवर 202 धावांपर्यंतच मजल मारता आली. यामुळे भारताच्या मधली फळी आणि खालच्या फळीतील कमकुवतपणाही समोर आला. दुसऱ्या टी20 सामन्यात भारताला या क्षेत्रात सुधारणा करावी लागणार आहे.
जोपर्यंत दक्षिण आफ्रिकेचा संबंध आहे.स तो या वर्षी जूनमध्ये झालेल्या टी20 विश्वचषक फायनलमध्ये भारताकडून झालेल्या पराभवाचा बदला घेण्यात अपयशी ठरला. तसेच संघात अनेक वरिष्ठ खेळाडूंची उणीव भासत आहे. दक्षिण आफ्रिकेला भारताची विजयी मोहीम थांबवायची असेल, तर त्यांच्या युवा खेळाडूंना आंतरराष्ट्रीय क्रिकेटप्रमाणे कामगिरी करावी लागेल.
हेही वाचा-
मेगा लिलावापूर्वी इंग्लिश खेळाडूचे शानदार शतक, टी20 मध्ये अशी कामगिरी करणारा पहिलाच फलंदाज
SL VS NZ; भारताला क्लीन स्वीप केलेल्या किवी संघाचे पराभव, श्रीलंका मालिकेत 1-0 ने पुढे
नीरज चोप्राचा मोठा निर्णय, तीन वेळा ऑलिम्पिक चॅम्पियनला बनवले प्रशिक्षक
