आयपीएल २०२० चा हंगाम अत्यंत रोमांचक राहिला. या हंगामात युवा फलंदाजांचा जलवा पाहायला मिळाला. त्यातीलच एक नाव म्हणजे रॉयल चॅलेंजर्स बेंगलोर संघाचा युवा खेळाडू देवदत्त पडिक्कल. पडिक्कलने या हंगामात जोफ्रा आर्चर, जसप्रीत बुमराह, पॅट कमिन्स यांसारख्या अनेक घातक गोलंदाजांचा सामना केला. परंतु त्याला सर्वात आव्हानात्मक वाटणाऱ्या गोलंदाजाचं त्याने नाव सांगितले आहे.

आयपीएल एक वेगळ्या प्रकारचे आव्हान
ईएसपीएन क्रिकइन्फोला दिलेल्या मुलाखतीत पडिक्कलने महत्त्वाच्या गोष्टींवर आपले मत व्यक्त केले. यादरम्यान त्याला प्रश्न विचारण्यात आला होता की, आयपीएलमध्ये तू आर्चर, बुमराह आणि कमिन्स यांसारख्या वेगवान गोलंदाजांचा सामना केला. ज्यांचा जागतिक क्रिकेटमध्ये एक मोठे नाव आहे. त्यामुळे तुझ्या फलंदाजीत सुधारणा झालीय का?

यावर प्रत्युत्तर देत पडिक्कल म्हणाला, “होय. देशांतर्गत क्रिकेटच्या तुलनेत आयपीएल एक वेगळ्या प्रकारचे आव्हान आहे. परंतु मला माहिती होते की, मी या आव्हानासाठी तयार आहे. कारण आम्ही आयपीएल सुरू होण्यापूर्वी ३ आठवड्यापूर्वीच जोरदार सराव केला होता.”