भारतीय संघाचा फिरकीपटू हरभजन सिंग त्याच्या कारकिर्दीच्या सुरुवातीला खेळताना त्याच्या गोलंदाजीने मोठ-मोठ्या फलंदाजांना मैदानाबाहेरचा रस्ता दाखवत होता. मात्र, या गोलंदाजाला त्याच्या कारकिर्दीच्या सुरुवातीला एका गोष्टीमुळे खूप त्रास सहन करावा लागला होता. ही गोष्ट म्हणजे कोणत्या फलंदाजाची फलंदाजी शैली वगैरे नव्हती, तर ती गोष्ट होती त्याची इंग्रजी भाषा.
हरभजनला त्याच्या इंग्रजीचा सर्वाधिक त्रास तो सामनावीर किंवा मालिकावीर बनल्यावर होत असायचा. त्यावेळी त्याला एकाच गोष्टीची भीती वाटत असायची की, जर प्रश्न विचारणाऱ्याने त्याला इंग्रजीत प्रश्न विचारला तर तो त्याचे उत्तर कसे देईल.
पण, हरभजनने स्वत: या गोष्टीचा खुलासा केला आहे की, त्याला त्याच्या श्रीलंकामधील प्रेयसीने इंग्रजी बोलायला शिकवले होते. मजेशीर बाब ही आहे की, त्याने या गोष्टीची कबुली चक्क त्याची पत्नि गीता बसरासमोर दिला आहे. Harbhajan Singh Reveals his secret about english.
हरभजनने या गोष्टीची कबुली ‘द कपिल शर्मा शो’मध्ये दिली होती. यावेळी बोलताना हरभजन म्हणाला की, “तो ८ वर्षे श्रीलंकामधील प्रेयसीसोबत संबंधात होता. यावेळी तिचे इंग्रजी भाषेतील बोलणे ऐकून मी हळूहळू इंग्रंजी बोलायला शिकण्याचा प्रयत्न करत होतो. सुरुवातीला मी ‘हाऊ आर यु’ असे छोटी छोटी वाक्ये तिला बोलण्याचा प्रयत्न करत असायचो. तिने माझा आत्मविश्वास वाढवला. मी गेल्यावर्षी स्काय स्पोर्टवर इंग्रंजीत समालोचनही केले होते.”
८ वर्षे श्रीलंकातील प्रेससीसोबतच्या संबंधानंतर हरभजनने बॉलिवुड अभिनेत्री गीता बसरासोबत लग्न केले. त्यांचे लग्न २९ ऑक्टोबर २०१५ला जलंधर येथे झाले होते. त्यांना आता हिनाया हीर नावाची मुलगीदेखील आहे.
ट्रेंडिंग घडामोडी-
युवराजने केलं रोहित, सचिनला ‘हे’ हटके चॅलेंज, पाहुया काय करतात सचिन-…
ठरलं तर! ‘या’ तारखेला टीम इंडिया उतरणार मैदानावर
ऍशेस मालिकेत १ धाव करुन ठरला होता हिरो, आता कोरोनामुळे करियरच आलंय धोक्यात
