आजपर्यंत वनडे इतिहासात ४२६१ सामने झाले आहेत. वनडे क्रिकेटचा इतिहासही मोठा आहे. यात आजपर्यंत अनेक संघांनी मोठी कामगिरी केली आहे. भारत, ऑस्ट्रेलिया, इंग्लंड संघांनी या प्रकारात चांगली कामगिरी केली आहे. परंतू काल इंग्लंड विरुद्ध ऑस्ट्रेलिया सामन्यात असा एक खास पराक्रम झाला जो यापुर्वी कधीही झाला नव्हता.
इंग्लंड व ऑस्ट्रेलियातील ३ सामन्यांच्या वनडे मालिकेतील शेवटचा व निर्णायक सामना काल ऑस्ट्रेलिया संघाने ३ विकेट्सने जिंकला. ग्लेन मॅक्सवेलच्या ९० चेंडूत १०८ धावा व ऍलेक्स कॅरेच्या ११४ चेंडूत १०६ धावा या सामन्यातील विशेष ठरल्या. यात ऍलेक्स कॅरे सहाव्या तर ग्लेन मॅक्सेवल सातव्या स्थानावर फलंदाजीला आला होता.
क्रिकेट इतिहासात या सामन्यापुर्वी तब्बल ४२६० वनडेत १४ फलंदाजांनी ६ किंवा पुढच्या क्रमांकावर फलंदाजीला येत शतके केली आहे, ज्यात संघाचा विजय झाला आहे. म्हणजे जवळपास ३०४ वनडे सामन्यानंतर असे एखादे शतक पहायला मिळाले आहे. परंतू ऑस्ट्रेलिया विरुद्ध इंग्लंड सामन्यात ऑस्ट्रेलियाने सामना जिंकताना दोन फलंदाजांनी एकाच सामन्यात हा कारनामा केला.
In 4260 ODIs, there had been 14 centuries batting at number 6 or lower in a successful chase – 1 per 304 ODIs.
The 4261st ODI was the first to have two of those!#ENGvAUS #CoverDriving
— Cover Driving (@CoverDriving) September 17, 2020
६व्या किंवा त्या खालच्या क्रमांकावर फलंदाजी करताना सर्वाधिक भागीदारी करण्याचा विक्रम आता मॅक्सेवेल व कॅरेच्या नावावर जमा झाला आहे. त्यांनी यापुर्वी २००७मध्ये ब्रेंडन मॅक्क्युलम व क्रेग मॅकमिलनने केलेला विक्रम मोडला आहे. त्यांनी ऑस्ट्रेलियाविरुद्ध १६५ धावांची भागीदारी केली होती.
Highest Partnerships for the 6th wicket or lower in successful ODI chases
212 – Maxwell & Carey v 🏴, 2020
165 – Mccullum & McMillan v 🇦🇺, 2007
162 – Cusack & K O'Brien v 🏴, 2011
158 – Yuvraj & Dhoni v 🇿🇼, 2005#ENGvAUS #CoverDriving— Cover Driving (@CoverDriving) September 17, 2020
ऑस्ट्रेलिया विरुद्ध इंग्लंड वनडे मालिका ऑस्ट्रेलियाने २-१ने जिंकली आहे व भारताने २०१७मध्ये द्विपक्षीय मालिकेत इंग्लंडला पराभूत केल्यानंतर ते पहिल्यांदाच वनडे द्विपक्षीय मालिकेत पराभूत झाले आहेत.
