पुणे । पीवायसी हिंदू जिमखाना यांच्या वतीने आयोजित पीवायसी हिंदू जिमखाना यांच्या तर्फे दुसऱ्या पीवायसी गोल्डफिल्ड राजू भालेकर करंडक निमंत्रित 19 वर्षाखालील क्रिकेट स्पर्धेत पहिल्या सामन्यात साहिल चुरी(13-3), आदित्य दावरे(34-3), सिद्देश वीर(28-2) यांनी केलेल्या भेदक गोलंदाजीपुढे क्लब ऑफ महाराष्ट्र संघाला 94धावांवर रोखले. तर पीवायसी हिंदू जिमखाना संघाने आजदिवसअखेर 43 धावा केल्या.
पीवायसी हिंदू जिमखाना येथील क्रिकेट मैदानावर आजपासून सुरु झालेल्या या स्पर्धेत पीवायसी हिंदू जिमखाना संघाने नाणेफेक जिंकून प्रथम क्षेत्ररक्षण करण्याचा निर्णय घेतला. पहिल्यांदा फलंदाजी करताना क्लब ऑफ महाराष्ट्र संघाचा डाव 30.4षटकात 94धावावर संपुष्टात आला.
यात सलामीचे फलंदाज शिवकुमार चुग 36धावा, राजवर्धन उंडरे 20धावा करून बाद झाल्यानंतर एकही फलंदाज दुहेरी धावसंख्या उभारू शकला नाही. पीवायसी संघाच्या साहिल चुरीने 13 धावांत 3गडी व आदित्य दावरेने 34 धावांत 3 गडी बाद करून क्लब ऑफ महाराष्ट्रचा निम्मा संघ तंबूत परत पाठवला.
याच्या उत्तरात पीवायसी हिंदू जिमखाना संघाने आजदिवसअखेर 21 षटकात 1 बाद 43 धावा केल्या. यात सिद्धेश वीर 10 धावा काढून धावबाद झाला. तर श्रेयश वालेकर नाबाद 26 धावा, यश माने नाबाद 3धावांवर खेळत आहे. क्लब ऑफ महाराष्ट्र व पीवायसी हिंदू जिमखाना यांच्यातील सामन्याचा अजून एक दिवसाचा खेळ बाकी आहे. पहिल्या डावात पीवायसी संघ अजून 51 धावांनी पिछाडीवर आहे.
याआधी स्पर्धेचे उदघाटन पीवायसी हिंदू जिमखानाचे अध्यक्ष डॉ.सुधीर भाटे, क्लबचे मानद सचिव आनंद परांजपे, क्लबच्या क्रिकेट विभागाचे सचिव विनायक द्रविड, स्वर्गीय राजू भालेकर यांच्या पत्नी भालेकर, गोल्डफिल्ड प्रॉपर्टीजचे अनिल छाजेड आणि टी. एन.सुंदर यांच्या हस्ते करण्यात आले. यावेळी सारंग लागू, रणजित पांडे, महेंद्र गोखले आणि कपिल खरे आदी मान्यवर उपस्थित होते.
स्पर्धेचा सविस्तर निकाल: साखळी फेरी:
पहिला डाव: क्लब ऑफ महाराष्ट्र: 30.4षटकात सर्वबाद 94धावा(शिवकुमार चुग 36(68), राजवर्धन उंडरे 20(30), स्वप्निल पाठडे 9, विराज दारवाटकर 5, साहिल चुरी 8-13-3, आदित्य दावरे 7.4-34-3, सिद्देश वीर 9-28-2, आर्या जाधव 3-8-1) वि.पीवायसी हिंदू जिमखाना: 21षटकात 1बाद 43धावा(सिद्धेश वीर 10, श्रेयश वालेकर नाबाद 26(58,2×4), यश माने नाबाद 3(2)))