सचिनची विकेट गेल्यावर सेहवाग अंपायर शेजारी जाऊन बसला, असे काय घडले होते बेंगलोर कसोटीत?

सचिनने जरी त्याच्या कसोटी कारकिर्दीत २०० कसोटी सामने खेळले असले, तरी तो फक्त एकदा यष्टीचीत झाला आहे. महत्त्वाचे म्हणजे, तो स्वत: नाही तर नॉन स्टायकर बाजूला असणाऱ्या विरेंद्र सेहवागमुळे यष्टीचीत झाला होता. आपल्या चुकीमुळे सचिनची विकेट गेली म्हणून सेहवाग खूप घाबरला होता. या गोष्टीचा सेहवागने तब्बल १६ वर्षांनंतर एका चॅनलच्या लाइव्ह शोमध्ये खुलासा केला होता. सेहवाग आज आपला ४४ वा वाढदिवस साजरा करत आहे. त्याचा जन्म २० ऑक्टोबर १९७८ रोजी दिल्ली येथे झाला होता. Sachin Tendulkar Stump Out First Time In Test Due To Virender Sehwag.

ती घटना घडली होती २००१मध्ये. त्यावेळी इंग्लंड संघ भारत दौऱ्यावर आला होता आणि दोन्ही संघात 3 सामन्यांची कसोटी मालिका झाली होती. या मालिकेतील शेवटच्या कसोटी सामन्यात भारताच्या पहिल्या डावात सचिन आणि सेहवाग फलंदाजी करत होते. सेहवाग फटकेबाजी करत चौकारांवर चौकार मारत होता. तर, सचिन मात्र खूप वेळापासून ९० धावांवरच अडकला होता. इंग्लंडचा गोलंदाज ऍशले जाइल्स सामन्यातील ७३वे षटक टाकण्यासाठी आला होता.