१९ सप्टेंबरपासून आयपीएल २०२० ला सुरुवात होणार आहे. हा आयपीएल हंगाम भारतातील कोरोना व्हायरसचा वाढता प्रादुर्भाव लक्षात घेता युएईमध्ये खेळवण्यात येणार आहे. मात्र हा हंगाम सुरु होण्याआधीच दिल्ली कॅपिटल्स संघाला एक धक्का बसला आहे. त्यांचा फलंदाज जेसन रॉय आयपीएलमधून बाहेर पडला आहे.
इंग्लंड क्रिकेट बोर्डाने रॉय साईड स्ट्रेनच्या दुखापतीमुळे पाकिस्तानविरुद्धच्या टी२० मालिकेतून बाहेर पडल्याची माहिती दिल्यानंतर लगेचच तो आयपीएलमधूनही बाहेर पडल्याची बातमी आली आहे.
रॉय हा आयपीएल २०२० मधून बाहेर पडणारा दिल्ली कॅपिटल्सचा दुसरा क्रिकेटपटू आहे. याआधी दिल्ली कॅपिटल्सचा ख्रिस वोक्स हा देखील आयपीएल २०२० मधून बाहेर पडला आहे. त्याच्याऐवजी दिल्लीने एन्रीच नोर्जेला संघात सामील करुन घेतले आहे.
तसेच इएसपीएल क्रिकइन्फोने दिलेल्या वृत्तानुसार दिल्ली कॅपिटल्स रॉय ऐवजी बदली खेळाडू म्हणून ऑस्ट्रेलियाचा वेगवान गोलंदाज डॅनिएल सॅम्सचा संघात समावेश करेल.
हा सॅम्सचा पहिलाच आयपीएल हंगाम असेल. २०१९-२० च्या बिग बॅग लीगदरम्यान (बीबीएल) तो चर्चेत आला होता. तो बीबीएलच्या या हंगामात सर्वाधिक विकेट्स घेणारा गोलंदाज होता. त्याने १७ सामन्यात ३० विकेट्स घेतल्या होत्या. त्याच्या या कामगिरीमुळे त्याची येत्या सप्टेंबरमध्ये होणाऱ्या इंग्लंड विरुद्धच्या टी२० आणि वनडे मालिकेसाठी ऑस्ट्रेलिया संघात निवडही झाली आहे. या मालिका ४ ते १६ सप्टेंबर दरम्यान होणार आहे.
असे असले तरी अजून दिल्ली कॅपिटल्सकडून जेसन रॉय आयपीएलमधून बाहेर पडला असल्याची कोणतीही अधिकृत माहिती देण्यात आलेली नाही. त्याला दिल्ली कॅपिटल्सने १.५ कोटी रुपयांना लिलावात विकत घेतले होते. २०१८मध्येही तो दिल्ली संघातच होता, परंतु २०१९ ला त्याला दिल्लीने मुक्त केले होते. त्यानंतर पुन्हा २०२०च्या आयीपीएल हंगामासाठी त्यांनी त्याला संघात घेतले होते. रॉयने आयपीएलमध्ये ८ सामने खेळले असून १७९ धावा केल्या आहेत.
महत्त्वाच्या बातम्या –
कोलकाता नाइट रायडर्सच्या संघातील या खेळाडूची पत्नी आहे इंटीरीअर डिझायनर; पुस्तक वाचनाचीही आहे आवड
द वॉलच्या मते रविंद्र जडेजाला फिल्डिंगमध्ये टक्कर देऊ शकणारा हा खेळाडू यंदा गाजवणार आयपीएल
निवृत्तीनंतर सुरेश रैना करणार हे काम ; जम्मू-काश्मीरच्या डीजीपींना लिहिले पत्र
ट्रेंडिंग लेख –
भारताच्या कट्टर विरोधक पाकिस्तानचे ३ माहित नसलेले खेळाडू, ज्यांनी कधीकाळी खेळले होते आयपीएल
ब्रायन लारा होता त्याचे नेहमीचे गिऱ्हाईक, पण ब्रेट लीने त्याची जागा अक्षरशः खाल्ली
ज्या ऑस्ट्रेलियामुळे विश्वचषक खेळता आला नाही त्यांनाच फायनलमध्ये घरचा रस्ता दाखवणारा क्रिकेटर