एमएस धोनी हा भारतीय संघाचा सर्वात यशस्वी कर्णधार आहे. त्याने आयसीसी स्पर्धेचे तीन मोठे खिताब खिताब आपल्या नावावर केले आहेत. 15 ऑगस्ट 2020 रोजी एमएस धोनीने आंतरराष्ट्रीय क्रिकेटमधून निवृत्तीची घोषणा केली होती. या दिग्गजाने 2019 साली झालेल्या विश्वचषक स्पर्धेनंतर कोणतेही स्पर्धात्मक क्रिकेट खेळलेले नाही. मात्र आता आयपीएल 2020 मधून तो मैदानात परत येईल. दरम्यान माजी क्रिकेटपटू आणि भारतीय संघाचा सलामीवीर वीरेंद्र सेहवागने धोनीबद्दल मोठे विधान केले आहे.
तो म्हणाला, “मला वाटते की ही स्पर्धा सर्व प्रेक्षक आणि खेळाडूंसाठी खूप खास असेल. धोनीला पुन्हा खेळपट्टीवर पाहून आनंद होईल. या आयपीएलमध्ये खूप काही बघायला मिळेल.”
लॉकडाऊनमध्ये वेळ कसा घालविला या बद्दल बोलताना तो म्हणाला, “मी लॉकडाउनमध्ये बराच वेळ क्रिकेटचे जुने सामने पाहण्यात घालवला होता. मी त्या सामन्यांचे मूल्यांकन केले, ज्यात माझ्या डावांचा समावेश होता. क्रिकेट हा माझ्या डीएनएचा एक भाग आहे. मी आपला श्वास रोखून क्रिकेट परत येण्याची वाट पाहत होतो. क्रिकेट परतल्यामुळे मी नक्कीच खूप आनंदी आहे.”
एमएस धोनी पुन्हा एकदा सीएसके संघाला चॅम्पियन बनविण्यास आहे तयार
धोनी आयपीएलमध्ये आतापर्यंत 190 सामने खेळला आहे. यावेळी त्याने 42.40 च्या उत्कृष्ट सरासरीने 4432 धावा केल्या आहेत. आयपीएलमधील त्याचा स्ट्राइक रेट 137.85 आहे. या लीगमध्ये त्याने 23 अर्धशतके केली आहेत.जर धोनी आयपीएल 2020 मध्ये 10 सामने खेळला तर तो आयपीएलमधील 200 सामने पूर्ण करेल. ही मोठी उपलब्धी असेल.
चेन्नई सुपर किंग्ज संघाचा आयपीएलचा इतिहास खूपच चांगला आहे. या लीगमध्ये हा संघ यशस्वी संघांपैकी एक आहे. या संघाने एकूण 3 वेळा आयपीएल विजेतेपद जिंकले आहे.10 हंगामांपैकी 8 वेळा या संघाने आयपीएलचा अंतिम सामना खेळला आहे.
या हंगामातही हा संघ चौथ्यांदा किताब मिळविण्याच्याच उद्देशाने मैदानात उतरेल.