मुंबई जागतिक क्रिकेटमधील एक महान फलंदाज सचिन तेंडुलकर सध्या मुंबईत पावसाचा आनंद घेत आहे. बुधवारी सचिन तेंडुलकरचा एक व्हिडिओ सोशल मीडियावर व्हायरल होत आहे, ज्यामध्ये तो पावसात भिजत आहे. सचिन तेंडुलकरने हा व्हिडिओ आपल्या इन्स्टाग्राम पेजवर शेअर केला आहे, ज्यास लाखो लोकांनी पसंती दिली आहे.
सचिन तेंडुलकर पावसात भिजतानाचा व्हिडिओ त्यांची मुलगी सारा हिने बनविला. सचिन तेंडुलकर घराच्या खालच्या भागात पावसात भिजत होता आणि सारा वरुन त्याचा एक व्हिडिओ बनवत होती. हा व्हिडिओ शेअर करताना सचिनने लिहिले की, ”माझी आवडती महिला कॅमेरामॅन सारा तेंडुलकरने मला कॅमऱ्यात कैद केले. पावसाचे थेंब माझ्या बालपणीच्या आठवणी ताज्या करत आहेत.”
गेल्या काही दिवसांपासून मुंबईत सतत पाऊस सुरू आहे. त्याचबरोबर, भारतीय हवामान खात्याने महाराष्ट्रात अनेक भागात पुढील 18 तासांत जोरदार मुसळधार पाऊस पडणार असल्याने रेड अलर्ट जारी केला आहे. सतर्कतेनुसार मुंबई, ठाणे, कोकण आणि गोव्यातील बर्‍याच भागात मुसळधार पाऊस पडण्याची शक्यता आहे. बृहन्मुंबई महानगरपालिकेने लोकांना समुद्राच्या किनार्‍यापासून दूर राहण्याचे आवाहन केले आहे.
📸 @sachin_rt and the rain – two favourites in one frame! ☔️💙#OneFamily pic.twitter.com/TPnxC6yzIj
— Mumbai Indians (@mipaltan) July 15, 2020
सचिनची मुलगी सारा सोशल मीडियावर बरीच लोकप्रिय आहे. बऱ्याचवेळा तिला पाहून चाहत्यांना वाटते की ते बॉलिवूडमध्ये पाऊल ठेवेल. सारा 2018 मध्ये लंडनमधून मेडिसीनमध्ये पदवीधर झाली आहे. तिच्याबद्दल अशी अफवा होती की ती बॉलिवूडमध्ये येऊ शकते. परंतु सचिनने ती पूर्णपणे नाकारली. साराचे इन्स्टाग्रामवर 8 लाखाहून अधिक चाहते आहेत. तसेच अभिनेता शाहरुख खान हा तिचा आवडता हिरो आहे.