ऑस्ट्रेलिया आणि न्यूझीलंड यांच्यातील आगामी महिला क्रिकेट सामन्यांमध्ये प्रेक्षकांना स्टेडियमवर येण्याची परवानगी दिली जाणार आहे. सोमवारी क्रिकेट ऑस्ट्रेलियाने याची पुष्टी केली आहे. यावर्षी मार्चनंतर प्रथमच कोणत्याही आंतरराष्ट्रीय क्रिकेट मालिकेत प्रेक्षकांना स्टेडियमवर येण्याची परवानगी असेल. जागतिक कोरोना महामारीमुळे सर्व सामने प्रेक्षकांशिवाय खेळले गेले होते.
ऑस्ट्रेलियातील मेलबर्न क्रिकेट मैदानावर प्रेक्षकांसह भारत ऑस्ट्रेलिया यांच्यातील टी२० विश्वचषक स्पर्धेचा अंतिम सामना खेळला गेला होता. आगामी मालिकेत ऑस्ट्रेलिया आणि न्यूझीलंडच्या महिला क्रिकेट संघात तीन टी२० आणि वनडे सामने खेळले जाणार आहेत.
सोमवारी क्रिकेट ऑस्ट्रेलियाने जारी केलेल्या निवेदनात म्हटले आहे की, “कोरोना विषाणूपासून होणाऱ्या संरक्षणासंदर्भात सुरक्षित अंतर आणि इतर नियमांनुसार मर्यादित तिकिटे उपलब्ध केली जातील.” तिकिटे ऑनलाइन विकली जातील, तर दर्शकांना त्यांचे मोबाइल स्वाइप करण्यास सांगितले जाणार आहे. जेणेकरून संसर्ग झाल्यास संपर्क ट्रेसिंग करता येईल.
यासह हे मैदान सहा भागात विभागले जाईल आणि सामना पाहण्यासाठी येणाऱ्या लोकांना त्यांच्याच दिलेल्या भागात राहावे लागणार आहे. ऑस्ट्रेलिया आणि न्यूझीलंड यांच्यातील पहिला टी२० सामना २६ सप्टेंबर रोजी ब्रिस्बेनमधील द ऍलन बॉर्डर फील्ड येथे खेळला जाणार आहे.
महत्त्वाच्या बातम्या-
-आयपीएल सुरू होण्यापूर्वी या खेळाडूने केली सिंहगर्जना; म्हणाला, आम्हीच जिंकणार आयपीएलचे जेतेपद
-माजी दिग्गजही झाला विंडीजच्या ‘या’ खेळाडूचा चाहता; केली डिविलियर्ससोबत बरोबरी
-या पराभवामुळे ऑस्ट्रेलियाच्या मनोबलाला बसेल फटका; दिग्गजाने व्यक्त केले मत
ट्रेंडिंग लेख-
-४ असे माजी कर्णधार, जे यावेळी होऊ शकतात संघासाठी वॉटरबॉय
-एक आयपीएल फॅन म्हणून हे ५ संस्मरणीय क्षण विसरणे केवळ अशक्य…!!!
-मुंबई इंडियन्सला ५व्यांदा विजयी करण्यासाठी हे तीघे खेळाडू करणार जीवाचं रान