ऑस्ट्रेलिया संघातील खेळाडू नेहमी मैदानावर आक्रमक दिसून येतात. त्यामुळे ते आक्रमक स्वभावामुळे प्रसिद्ध आहेत. परंतु ऑस्ट्रेलिया संघाचे माजी कर्णधार माइकल क्लार्क हे मात्र वेगळे आहेत. माइकल क्लार्क हे एक भावनिक आणि मोठ्या मनाचे खेळाडू आहेत. ऑस्ट्रेलिया संघाचा दिवंगत खेळाडू फिल ह्यूज माइकल क्लार्कला आपला मोठा भाऊ मानत होता. मेलबर्न येथे 2015 साली विश्वचषक जिंकल्यानंतर माइकल क्लार्कने हा विजय आपल्या छोटा भाऊ फिल ह्यूजला समर्पित केला होता. त्यानंतर माइकल क्लार्कने आता मोहम्मद सिराजबद्द्ल मोठे मन दाखवले आहे.
माइकल क्लार्क म्हणाला की, तो मोहम्मद सिराजचा खूप सन्मान करतो. भारत आणि ऑस्ट्रेलिया संघातील दौरा सुरू होण्यापूर्वीच मोहम्मद सिराजच्या वडिलांचे निधन झाले होते. सिराजने आपल्या व्यक्तिगत आयुष्यात एवढे मोठे नुकसान झाल्यानंतरही भारतीय संघासोबत रहाण्याचा निर्णय घेतला होता. त्याने मेलबर्न कसोटी सामन्यात पदार्पण करत 5 विकेट्स घेतल्या. त्याचबरोबर भारतीय संघाला विजय मिळवून दिला. सिराज प्रमाणे माइकल क्लार्क सुद्धा आपल्या कारकिर्दीत अशा परिस्थितीतून गेले आहेत. जेव्हा त्यांच्या वडिलांना कॅन्सर झाला होता.
“मोहम्मद सिराज बद्दल माझ्या मनात सन्मान”
माइकल क्लार्क इंडिया टुडे सोबत बोलताना म्हणाला, “मी शब्दात व्यक्त करू शकत नाही की, माझ्या मनात त्याच्याबद्दल किती सन्मान आहे. जेव्हा मी क्रिकेट खेळत होतो, तेव्हा माझ्या वडिलांना कॅन्सरने ग्रासले होते. त्यांनंतर ही मी घरी परत जाण्याचा निर्णय घेतला नव्हता. हे खूप कठीण होते, मात्र त्याच्या वडिलांचे निधन झाले. त्याने थांबण्याचा निर्णय घेतला आणि प्रामाणिकपणे आपल्या संघाची मदत करण्याचा निर्णय घेतला. शेवटच्या खेळात तुम्हाला वाटत असेल त्यांनी विकेट घेऊ नये. तुम्हाला वाटत होते की, त्याने कमीत कमी 5 विकेट्स घ्यावे, ज्याच्यासाठी त्यांनी येवढा त्याग केला आहे.”
“तो श्रेयाचा संपूर्ण हकदार”
माइकल क्लार्क पुढे म्हणाला, “मला वाटत होते ऑस्ट्रेलिया संघाने सामना जिंकावा. परंतु मी एक क्रिकेटपटूला या परिस्थितीतून जातांना खुश नाही होणार. त्याने भारतीय संघासाठी आपला प्रामाणिकपणा दाखवला. तो निश्चितच जगातील सर्व श्रेयाचा हक्कदार आहे.”
महत्वाच्या बातम्या:
भारतीय संघाला मोठा धक्का! इंग्लंडविरुद्धच्या कसोटी मालिकेतून ‘हा’ प्रमुख खेळाडू बाहेर
“आयपीएल २०२१ मध्ये कोलकाताचा संघ सर्वोत्तम प्रदर्शन करेल”, प्रशिक्षकांनी व्यक्त केला विश्वास
आमचा, आपला मलिंगा! मुंबई इंडियन्सचे निवृत्ती घेतलेल्या लसिथ मलिगासाठी खास ट्विट, पाहा व्हिडिओ