सीएसकेला ‘या’ १७ चेंडूंमुळे मिळाला विजय, आरसीबी उभ्या आयुष्यात विसरणार नाही हा पराभव

इंडियन प्रीमिअर लीग २०२२च्या २२व्या सामन्यात चेन्नई सुपर किंग्जला हंगामातील पहिला विजय मिळवाला. रॉयल चॅलेंजर्स बेंगलोरविरुद्धच्या या सामन्यात सीएसकेने २३ धावांनी विजय मिळवला. सलामीवीर फलंदाज रॉबिन उथप्पा आणि मध्यक्रमात शिवम दुबेने दिलेल्या महत्वाच्या योगदानामुळे सीएसकेने प्रथम फलंदाजी करताना मोठी धावसंख्या उभी केली होती. प्रत्युत्तरात आरसीबीला हे लक्ष्य गाठता आले नाही. सामन्यात सीएसकेच्या फलंदाजांनी एकूण १७ षटकार ठोकले, ज्याच्या जोरावर संघाने विजय मिळवला.

सीएसकेचा सलामीवीर फलंदाज रॉबिन उथप्पा (Robin Uthappa) याने ५० चेंडूत ४ चौकार आणि ९ षटकारांच्या मदतीने ८८ धावा केल्या. तसेच, चौथ्या क्रमांकावर फलंदाजीसाठी आलेल्या युवा शिवम दुबे (Shivam Dube) याने ४६ चेंडूत ९५ धावा ठोकल्या. यादरम्यान दुबेच्या बॅटमधून ५ चौकार आणि ८ षटकार निघाले आणि त्याने चालू हंगामातील स्वतःच्या २०७ धावा देखील पूर्ण केल्या. या दोघांनी मिळून सामन्यात १७ षटकार ठोकले. म्हणजेच या १७ चेंडूंनी सामन्याला दिशा देण्याचे काम केले. चला तर जाणून घेऊया कोणत्या फलंदाजाला किती षटकार मारले गेले.

महा स्पोर्ट्सचा व्हॉट्सअप ग्रुप जॉइन करण्यासाठी लिंकवर क्लिक करा