एक महिन्याच्या विश्रांतीनंतर ऑगस्टमध्ये बेंगलोर येथे झालेल्या राष्ट्रीय शिबिरात परतल्यानंतर भारतीय पुरुष हाकी संघाच्या ६ खेळाडूंना कोरोनाची लागण झाली होती. यात संघाचा डिफेंडर सुरेंद्र कुमारचाही समावेश होता. पण आता या महामारीतून तो पूर्णपणे बरा झाला आहे आणि लवकरच तो पुर्वीप्रमाणे स्वत:ला तंदुरुस्त बनवेल, असे त्याने म्हटले आहे.
सुरेंद्र म्हणाला की, “कोरोनाची लागण झाल्यानंतर उपचारादरम्यानचा कालावधी माझ्यासाठी खूप आव्हानात्मक होता. त्यावेळी मी सतत माझ्या मनाला सांगत असायचो की, कित्येक क्रिडापटू या महामारीच्या विळख्यात सापडले होते. पण त्यांनी धैर्याने त्याचा सामना केला. मीही हिंमत हारणार नाही.”
“जेव्हा आम्ही २-३ आठवड्यांसाठी सेल्फ आयसोलेशनमध्ये दवाखान्यात होतो. तेव्हा आमचा प्रशिक्षण विभाग सर्व खेळाडू मानसिकदृष्ट्या चांगल्या स्थितीत आहेत का नाहीत, याची पाहणी करत होता,” असे पुढे बोलताना सुरेंद्र म्हणाला.
इतर खेळाडूंच्या तुलनेत सुरेंद्रला कोरोनातून बरे होण्यासाठी जास्त कालावधी लागला. कारण उपचारादरम्यान त्याला कोविड-१९शी संबंधित बरेच संसर्ग झाले होते. पण सप्टेंबर महिन्यापर्यंत तो पूर्णपणे बरा झाला आणि आता तो लवकरात लवकर स्वतला तंदुरुस्त बनवण्याच्या तयारीला लागला आहे.
याविषयी बोलताना तो म्हणाला की, “संघासोबत पून्हा पुर्वीप्रमाणे सराव करताना मला खूप चांगले वाटत आहे. सरावाच्या पहिल्या दिवसापासून संघाचे मुख्य प्रशिक्षक ग्राहम रिड आमच्या धिम्या गतीवर जास्त भर देत होते. पण आम्हालाही स्वत:ला आमचे उत्तमोत्तम देण्यात कसलाही संकोच वाटत नाही.”
“मी सरावास सुरुवात करुन आता जवळपास ३ आठवडे झाले आहेत. त्यामुळे मला आता सर्वकाही चांगले वाटत आहे. मी नक्कीच स्वत:ला उच्च दर्जाची फिटनेस असलेला खेळाडू बनवेल,” असे शेवटी बोलताना त्याने सांगितले.
महत्त्वाच्या बातम्या-
आनंदाची बातमी! हरियाणातील छोट्या गावात बनणार आंतरराष्ट्रीय स्तरावरील मैदान, ‘हा’ खेळाडू झाला खूश
‘या’ दोन खेळाडूंमुळे भारतीय महिला हॉकी संघ घडवू शकतो इतिहास: धनराज पिल्ले
“केंद्रिकृत प्रशिक्षण कार्यक्रम खेळाडूंच्या विकासासाठी महत्त्वाचा,” त्या अनुभवी…
ट्रेंडिंग लेख-
“मिड सीझन ट्रान्सफर” नियमामुळे ‘हे’ ४ भारतीय करु शकतात आयपीएलमध्ये कमबॅक
विरोधी संघ खुश..! आयपीएल २०२०मध्ये बिघडला या ३ स्टार खेळाडूंचा फॉर्म
‘मिड सीजन ट्रान्सफर’चा फायदा घेत चेन्नई ‘या’ ३ खेळाडूंना घेणार का आपल्या संघात?
