धोनीच्या लाडक्या खेळाडूसह या ५ क्रिकेटर्सचं नशीब आयपीएलमध्ये राहिलं खराब

२. शाहबाज नदीम

शाहबाज नदीमदेखील अनलकी खेळाडूंपैकी एक आहे. तो आयपीएलसोबतच भारतीय क्रिकेटमध्येही अपयशी ठरला. परंतु त्याने घरेलू क्रिकेटमध्ये चांगले नाव कमाविले आहे. असे वाटत होते की तो येत्या काळात भारतीय संघात फिरकीपटू म्हणून प्रसिद्धी मिळवेल. परंतु त्याचे नशीब आयपीएलमध्येही खराब राहिले. नदीमने २०११मध्ये आयपीएलमध्ये पदार्पण केले होते.

तो २०११ पासून २०१८ पर्यंत दिल्ली कॅपिटल्स (आधीचे दिल्ली डेअरडेविल्स) संघाकडून खेळला. त्यानंतर तो सनरायझर्स हैद्राबाद संघात सामील झाला. म्हणजेच तो आयपीएलचे एकूण ९ मोसम खेळला आहे. परंतु प्रत्येक मोसमात तो आपली छाप सोडण्यात अयशस्वी ठरला. अनेक संधी मिळूनही शाहबाज स्वत:ला सर्वोत्तम खेळाडू सिद्ध करू शकला नाही. आतापर्यंत खेळलेल्या ६४ आयपीएल सामन्यात त्याने केवळ ४२ विकेट्स घेतल्या आहेत.

३. बेन कटिंग

आयपीएलमध्ये नशीब खराब ठरलेला तिसरा खेळाडू म्हणजे ऑस्ट्रेलियाचा बेन कटिंग होय. आश्चर्याची बाब अशी की कटिंगसारखा धडाकेबाज खेळाडू आयपीएलमध्ये आपली कामगिरी दाखविण्यात मागे पडला. त्याने एकूण २१ सामने खेळले. ज्यामध्ये त्याने एकूण २३८ धावाच केल्या. कटिंगने २०१४ साली राजस्थान रॉयल्स संघातून आपले आयपीएल पदार्पण केले होते. परंतु त्या मोसमात तो केवळ १ सामना खेळू शकला होता. २०१६ आणि २०१७ मध्ये तो सनरायझर्स हैद्राबादचा भाग होता. परंतु यादरम्यानही तो अनुक्रमे ४ सामने खेळला. त्यामध्येही तो फ्लॉप ठरला.

आयपीएल २०१८च्या मोसमात कटिंगला कोणता संघ घेणार असा प्रश्न होता. परंतु मुंबई इंडियन्सने त्याला आपल्या संघात सामील केले. अपेक्षा होती की मुंबईसारखा यशस्वी संघात येऊन कटिंग आपल्या फलंदाजीत सुधारणा करेल. परंतु इथेही त्याला अपेक्षित कामगिरी करता आली नाही. २०१८मध्ये त्याला अनेक संधी मिळाली. परंतु तो ९ सामने खेळत केवळ ९६ धावा करू शकला. त्यानंतर २०१९ मध्ये तो केवळ ३ सामने खेळला आणि १८ धावा केल्या. आता आयपीएल २०२० साठी मुंबई इंडियन्सने त्याला मुक्त केले आहे. अशाप्रकारे कटिंगला आयपीएल इतिहासात सर्वात अनलकी खेळाडूंमध्ये गणले जाऊ शकते.

४. नाथू सिंग

२०१५-१६च्या रणजी हंगामात नाथू सिंगने सर्वांचे लक्ष आपल्याकडे खेचले होते. त्याने त्यावेळी राजस्थान संघाकडून पहिल्या डावात दिल्लीविरुद्ध ८७ धावा देत ७ विकेट्स चटकावले होते. मुंबई इंडियन्सने त्याला २०१६ मध्ये आयपीएल लिलावात ३.२ कोटी रुपये देत आपल्या संघात सामील केले होते. तरीही, नाथूचे नशीब खराब ठरले कारण मुंबईने त्याला पदार्पणाची एकही संधी दिली नाही. त्यानंतर पुढील मोसमात त्याला गुजरात लायन्स संघाकडून खेळताना त्याने आयपीएलची सुरुवात केली. गुजरातने त्याला २ सामन्यात संधी दिली. त्याने २ सामन्यात ४ षटके टाकत केवळ १५ धावा दिल्या आणि १ विकेट घेतली.

नाथूला संधी मिळाली असती, तर तो चमकदार कामगिरी करू शकला असता. आजही नाथूची टी२० आकडेवारी १९ सामन्यात ३० विकेट्स इतकीच आहे. परंतु आयपीएल लिलावात मुंबई आणि गुजरातने त्याला आपल्या संघात सामील केले खरे पण संधी न मिळाल्यामुळे तो आपला ठसा उमटवू शकला नाही.

५. ओएन मॉर्गन

आयपीएलमध्ये ५० पेक्षा अधिक सामने खेळणारा खेळाडू अपयशी ठरला, हे ऐकण्यात जरा खटकू शकते. परंतु हो असं झालंय ते इंग्लंडचा फलंदाज ओएन मॉर्गनबरोबर. मॉर्गनला आयपीएलमध्ये चमकदार कामगिरी करता आली नाही. आयपीएलचे ६ मोसम खेळलेल्या मॉर्गनने ५२ सामन्यात केवळ ८५४ धावा केल्या आहेत. त्याला रॉयल चॅलेंजर्स बेंगलोर संघाने २०१० साली २,२०,००० डॉलर्समध्ये आपल्या संघात सामील केले होते. तरीही, तो त्या सामन्यात केवळ ६ सामने खेळला आणि ३५ धावा केल्या.

परंतु २०११ आणि २०१३ मध्या मॉर्गनला कोलकाता नाईट रायडर्स संघाने आपल्या संघात सामील केले. तिथे त्याला अधिक संधी मिळाल्या. त्याने त्या दोन हंगामात २६ सामने खेळले. तिथेही तो फ्लॉप ठरला. २०१५ आणि २०१६ मध्ये त्याला सनरायझर्स हैद्राबाद संघाने आपल्या संघात घेतले. त्याने तिथेही अपेक्षित कामगिरी केली नाही. परंतु २०१७ मध्ये सनरायझर्स हैद्राबाद संघाने त्याला वगळण्याचा निर्णय घेतला. त्यानंतर २०१७ मध्ये किंग्ज इलेव्हन पंजाबने त्याला आपल्या संघात घेतले. परंतु तिथेही त्याला चांगली कामगिरी करता आली नाही. पुढे तो २०१८ आणि २०१९ च्या मोसमात खेळू शकला नाही. परंतु २०२० च्या १३ व्या मोसमात तो कोलकाता नाईट रायडर्स संघाकडून खेळताना दिसणार आहे. कोलतानाने त्याला ५.२५ कोटी रुपयांंना आपल्या संघात सामील केले आहे. आता या मोसमात तो चांगली कामगिरी करण्यासाठी उत्सुक असेल.

ट्रेंडिंग लेख –