रसेलची मसल पावर! भावाने शॉटच असा मारला की, थेट खुर्चीलाच पडले छिद्र; पाहून तुमच्याही बत्त्या होतील गुल

मागच्या वर्षी अंतिम सामन्यापर्यंत पोहोचलेल्या कोलकाता नाईट रायडर्सला चालू आयपीएल हंगामात अद्याप अपेक्षित प्रदर्शन करता आलेले नाहीये. परंतु त्याच्या अष्टपैलू खेळाडू आंद्रे रसेल मात्र चांगल्या फॉर्ममध्ये दिसत आहे. रसेल त्याच्या दमदार शॉट्ससाठी ओळखला जातो. चालू हंगामात देखील त्याने असे काही शॉट्स खेळून दाखवले आहेत. फ्रँचायझीने आता त्याच्या अशाच एका शॉटचा व्हिडिओ शेअर केला आहे.

कोलकाता नाईट रायडर्स (Kolkata Knight Riders) फ्रँचाझीने त्यांच्या अधिकृत सोशल मीडिया खात्यावरून आंद्रे रसेल (Andre Russell) याने मारलेल्या एका दमदार शॉटचा व्हिडिओ शेअर केला आहे. रसेलने केकेआरच्या सराव सत्रात मारलेल्या फटक्यामुळे मैदानात ठेवलेली एक खुर्ची तुटल्याचेही व्हिडिओत दिसत आहे. व्हिडिओच्या कॅप्शनमध्ये फ्रँचायझीने लिहिले की, “मसल रसेलने पाडलेल्या प्रभावासाठी शेवटपर्यंत वाट पाहा.” व्हिडिओच्या शेवटी खुर्चीच्या मध्ये चेंडूमुळे छिद्र पडल्याचे दिसत आहे.

https://www.instagram.com/reel/CcxwzbcFgyr/?utm_source=ig_web_copy_link

महा स्पोर्ट्सचा व्हॉट्सअप ग्रुप जॉइन करण्यासाठी इथे क्लिक करा

चालू हंगामातील रसेलच्या प्रदर्शनाचा विचार केला, तर तो केकेआर फ्रँचायझीसाठी फायदेशीर ठरत आहे. त्याने आतापर्यंत खेळलेल्या सात डावांमध्ये १८०.१५च्या सरासरीने आणि ४५.४०च्या स्ट्राईक रेटने २२७ धावा केल्या आहेत.