कर्नाटकच्या धुरंधराचा ‘पडदाफाड’ सिक्स, ‘नो लूक’ षटकाराचा Video Viral

कर्नाटक रणजी संघाचा खेळाडू कृष्णप्पा गौतमने सर्वाचे लक्ष वेधले आहे. रणजी ट्रॉफी २०२२चा तिसरा उपांत्यपूर्व सामना कर्नाटक आणि उत्तर प्रदेश यांच्यात खेळला गेला. उत्तर प्रदेशने हा सामना जिंकून उपांत्य सामन्यात स्थान बनवले. कृष्णप्पाने या सामन्याच्या पहिल्या डावात अवघ्या १२ धावांची खेळी केली, पण यादरम्यान त्याने एक असा शॉट मारला, ज्याची सध्या सर्वत्र चर्चा होत आहे.

उत्तर प्रदेश संघाने सर्वप्रथम या सामन्याची नाणेफेक जिंकली आणि प्रथम गोलंदाजीचा निर्णय घेतला. त्यांचा हा निर्णय अगदी योग्य ठरला. पहिल्या दिवसाचा खेळ संपेपर्यंत कर्नाटकच्या सात विकेट्स पडल्या होत्या आणि संघाची धावसंख्या २१३ धावा होती. त्यांचा सलामीवीर रवीकुमारने ५७ धावांची महत्वाची खेळी केली, पण इतर सर्व खेळाडू धावा करण्यासाठी झगडतानाच दिसले.

कर्नाटक संघ ठराविक अंतराने विकेट्स गमावत राहिला, पण यादरम्यान कृष्णप्पा गौतम (Krishnappa Gowtham) १२ धावा करून सर्वत्र चर्चेत आला. गौतमने त्याच्या या छोट्याश्या खेळीदरम्यान एक असा षटकार मारला, जो पाहून सर्वजण हैराण झाले. शिवम मावीच्या चेंडूवर त्याने ‘नो लूक सिक्स’ मारला. म्हणजेच त्याच्या बॅटला लागून चेंडू एकदा हवेत गेल्यानंतर त्याने पुन्हा त्याच्याकडे पाहिले देखील नाही. गौतमला पूर्ण आत्मविश्वास होता की, मारलेला चेंडू हा थेट सीमारेषेच्या बाहेर जाऊन पडणार आहे. हा व्हिडिओ सोशल मीडियावर चांगलाचा व्हायरल झाला आहे.

https://twitter.com/ManviNautiyal/status/1534050338457927680?s=20&t=uqWFt9v1tLBLznJchvliIw