Video: चक्क सुटाबुटात वसीम अक्रम उतरला स्विंमिंग पूलमध्ये! अनोख्या कृतीमागील कारणही केलंय स्पष्ट

पाकिस्तान संघाचा माजी वेगवान गोलंदाज वसीम अक्रम नेहमी त्याच्या मजेशीर सोशल मीडिया पोस्टसाठी चर्चेत असतो. यावेळीही त्याच्या एका व्हिडिओची चर्चा चांगलीच रंगली आहे. अक्रमने यावेळी त्याला ट्रोल करणाऱ्यांची फिरकी घेतली आहे. या व्हिडिओत तो थ्री पीस सूटमध्ये असताना स्विमिंग पूलमध्ये उतरला असल्याचे दिसत आहे.

पाकिस्तानचा माजी दिग्गज वसीम अक्रम (Wasim Akram ) पॅंट आणि सूटसह स्विमिंग पूलमध्ये उतल्याचे पाहून चाहत्यांना आश्चर्य वाटले. अक्रम थ्री पीस सूटमध्ये स्विमिंगचा आनंद घेत असल्याचेही दिसत आहे. सुरुवातील चाहत्यांना हा नेमका काय प्रकार आहे, हे समजले नाही, पण पुढे स्वतः दिग्गजाने यामागचा खुलासा केला आहे.

ट्रोलर्सला उत्तर देण्यासाठी तो थ्री  पीसमध्ये पूलमध्ये उतरल्याचे अक्रमने  सांगितले. त्याने अधिकृत सोशल मीडिया खात्यावरून शेअर केलेला हा व्हिडिओ मोठ्या प्रमाणात व्हायरल होत आहे. व्हिडिओवर चाहत्यांसह दिग्गजांच्या लाईक्स आणि अनेक कमेंट्स येत आहेत.

वसीम अक्रमने व्हिडिओमध्ये त्याने केकेल्या या कृत्याचे  कारणही स्पष्ट केले आहे. अधिकृत सोशल मीडिया खात्यावरून शेअर केलेल्या १९ मिनिटांच्या या व्हिडिओत तो म्हणाला, मला वाटते की, मागच्या वर्षी स्विमिंग करताना मी व्हिडिओ पोस्ट केला होता, पण काही मोठ्या लोकांनी मला ट्रोल करायला सुरुवात केली होती. लोक म्हणाले होते की, बिना शर्टची अंघोळ करताना लाज वाटत नाही का ? आता तुम्ही खुश आहात का ? मी थ्री पीस सूट घालून स्विमिंग करत आहे.

View this post on Instagram

A post shared by Wasim Akram (@wasimakramliveofficial)