मँचेस्टर। बुधवारी ऑस्ट्रेलियाने इंग्लंडविरुद्ध तिसऱ्या वनडे सामन्यात ३ विकेट्सने विजय मिळवत ३ सामन्यांची वनडे मालिकाही २-१ अशी जिंकली. ऑस्ट्रेलियाच्या या विजयात ग्लेन मॅक्सवेल आणि ऍलेक्स कॅरेचा महत्त्वाचा वाटा होता. या दोघांनीही शतकी खेळी करताना द्विशतकी भागीदारीही रचली.
१०० धावांच्या आत ५ विकेट्स गमावलेल्या ऑस्ट्रेलिया संघाला मॅक्सवेल आणि कॅरेने सांभाळले. मॅक्सवेलने ९० चेंडूत ४ चौकार आणि ७ षटकारांसह १०८ धावांची खेळी केली. तर कॅरेने ११४ चेंडूत ७ चौकार आणि २ षटकारांसह १०६ धावा केल्या. त्यांच्या या शतकांच्या जोरावर ऑस्ट्रेलियाने ३०३ धावांचे आव्हान ४९.४ षटकात सहज पार केले. या शतकी खेळीवेळी मॅक्सवेलने खास विक्रमही केला आहे.
मॅक्सवेलने या शतकी खेळीदरम्यान कारकिर्दीत १०० वनडे षटकार पुर्ण केले आहेत. त्याचे आता १०३ वनडे डावात १०५ षटकार झाले आहेत. याबरोबरच तो वनडेमध्ये सर्वात जलद १०० षटकार पूर्ण करणारा दुसऱ्या क्रमांकाचा खेळाडू ठरला आहे. या यादीत अव्वल क्रमांकावर वेस्ट इंडिजचा कायरन पोलार्ड असून त्याने ८६ वनडे डावात कारकिर्दीतील १०० षटकार पूर्ण केले होते. १०० पेक्षा कमी वनडे डाव खेळत १०० षटकार पूर्ण करणारा सध्या तो एकमेव क्रिकेटपटू आहे.
या यादीत भारताचा माजी कर्णधार एमएस धोनी ७ व्या क्रमांकावर आहे. त्याने १२३ वनडे डावात १०० षटकार पूर्ण केले होते.
वनडेमध्ये सर्वात जलद १०० षटकार पूर्ण करणारे क्रिकेटपटू (डावांनुसार)
८६ डाव – कायरन पोलार्ड
१०३ डाव – ग्लेन मॅक्सवेल
१०४ डाव – जोस बटलर
१०९ डाव – ऍरॉन फिंच
११६ डाव – रॉस टेलर
१२० डाव – मार्टिन गप्टिल
१२३ डाव – एमएस धोनी
१२६ डाव – शाहिद आफ्रिदी
महत्त्वाच्या बातम्या –
एकमेव खेळाडू ज्याने तब्बल ६ वेळा केला आयपीएलच्या अंतिम सामन्यात पराभवाचा सामना
धोनीचा सीएसके संघाला मोठा झटका; हा खेळाडू पहिल्या सामन्याला मुकण्याची शक्यता
…म्हणून केकेआर संघातील ‘हा’ खेळाडू आंद्रे रसेलशी जास्त बोलत नाही, घ्या कारण जाणून
ट्रेंडिंग लेख –
चेन्नई सुपर किंग्सला चौथ्यांदा आयपीएल चषक मिळवून देऊ शकतात हे ३ महारथी
आयपीएल २०२० मध्ये कोलकाता नाईट रायडर्ससाठी हे ३ खेळाडू ठरणार विजयाचे शिल्पकार?
सर्व चौकटी मोडून जगात क्रिकेट समालोचनाचा आदर्श घालून देणारी नेरोली मिडोज